“Қырымға бармаңдар!”. Украина елшісі осылай дейді
Украинаның Қырғызстандағы елшісі Николай Дорошенко 27 наурызда Қырғызстанның сыртқы істер министрлігіне қарсылық жолдады. Елші Жогорку Кенеш депутаттары – Марат Аманкулов пен Ирина Карамушкинаның Қырымға барғанына наразы.
Дорошенконың хабарлауынша, депутаттар 18-21 наурызда басқа да елдердің депутаттарымен бірге Қырымдағы шараға қатысқан. Елші өзінің Фейсбуктегі парақшасында “қырғыз билігі арызға құлақ асып, тиісті шара қолданады” деп үміттенетінін жазды.
Парламенттің баспасөз хатшысы Ибрагим Нуракун уулуның хабарлауынша, Жогоргу Кенеш депутаттары өз бетімен Қырымға баруы мүмкін, бірақ түбекке ресми түрде ешкім жіберілген жоқ.
Депутаттардың өздерінен пікір алу мүмкін болмады, бірақ 24 наурызда Ирина Карамушкина Фейсбуктегі парақшасында Қырымда түскен суретін салып, депутаттардың сапары туралы жазған.
Қырғызстанның сыртқы істер министрлігі Украина елшісінің қарсылығына әзірге жауап берген жоқ.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз