18+
Астана
Қазір
-4
Ертең
-5
USD
376.3
+0.04
EUR
425.22
-0.41
RUB
5.68
0.00

«Қыркүйектің ортасында…». Доллардың қатты қымбаттайтыны болжанып, елден дегбір кетті

1 АҚШ доллары алдағы үш ай ішінде 400 теңгеге дейін қымбаттауы мүмкін.

Доллардың әлі де қымбаттай беретінін мамандар болжады деп хабарлады Sputnik Қазақстан.

Альпари сараптама орталығының аға сарапшысы Анна Бодрова

1 АҚШ долларының құны алдағы үш айда 400 теңгеден асатынын болжайды.

— Тәуекелі жоғары активтерге деген инвесторлардың қызығушылығы артып, ақша сала бастаса, сол кезде доллар «демін» басады. Ал қазір мұны байқап отырған жоқпыз. Жалпы, сыртқы факторлар қазір теңгенің құнын жоғалтып жатқан. АҚШ пен Қытай сауда-саттық саласындағы соғысынан бөлек, бұл арада рубльдің де әлісреуі теңгеге әсер етуде, — дейді сарапшы.

TeleTrade компаниясының бас маманы Петр Пушкарев те доллардың 400-ге қымбаттауы әбден мүмкін екенін болжайды.

«Сыртқы фактор деп езеуреудің қажеті жоқ шығар. Теңге үшін Қазақстанның қаржылық жағдайы мен экономикасындағы проблемалар үлкен мәселе туғызуда. Ақша ағылып сыртқа кетіп жатыр, яғни есі дұрыс дамушы нарықтарға. Қазақстаннан ғана емес, «үлкен жиырмалық» елдерден де ақша сыртқа ағылуда.

https://kaz.365info.kz/ketu-kerek-dosym-satpaev-khazir-khazakhstanda-ne-bop-zhatkhanyn-ajtty-330807

Түркияның ақшасы екі есеге құнсызданды, әне. Сондықтан теңге де аяғынан тік тұра алмайды, доллардың әлеуетіне қарсы тұра алмас», — дейді ол.

Пушкаревтің пікірінше, теңге бағамы екі айдан соң тұрақталады. Оған дейін ары-бері құбылып жүріп 400 теңгеге бірақ барады, дейді ол.

«Бірақ ол 2-3 күн ғана. Нарықтағылар жетер жеріне жеткенін білген соң долларға қатысты спекульяция кілт тоқтайды. Сөйтіп компания мен қорлар одан тапқан пайдасын белгілей бастайды.

Теңгенің әлі де құнсыздануына әкеп соғуы мүмкін екі фактор бар.

https://kaz.365info.kz/al-dajyndal-ykimet-sanktsiya-saldarynan-inflyatsiya-kyrt-osedi-330380

Біріншісінде АҚШ-тың федеральдық резерв жүйесі 2018 жылдың соңына дейін ставканы әлі екі рет көтеретін болады: қыркүйектің ортасында, одан соң желтоқсанда.

Екіншісі, ресейлік тәуелсіз борыш операцияларына салынатын санкция. Яғни, бұл арада мемлекеттің қатысы бар ресейлік ірі банктерге тұсау салына бастайды. Тағы рубль қалшылдай бастайды».

https://kaz.365info.kz/biz-bittik-tanymal-kharzhyger-khazakhstandy-ne-kytip-tyrganyn-ashykh-ajtty-foto-327605