Қылмыскерді ұстауға көмектескендер марапатталады

Қазақстанда енді құқықбұзушылықты әшкерелеп, полицияға хабар берген азаматтар алғыс хат, бағалы сыйлық немесе ақшалай сыйақымен марапатталады. Бұл – жаңа заң жобасында көзделген.

Бастама қоғамдық тәртіпті нығайту мен қылмыстың алдын алуға бағытталған. Бұған мектеп, аурухана қызметкерлері мен журналистер де тартылып, қарапайым тұрғындар қоғамдық көмекші ретінде көшеде тәртіпті қадағалап, түсіндіру жұмыстарын жүргізе алады.