Оңтүстік Қазақстан облысында той үстінде атыс болды. Зардап шеккендер бар.
Бұл туралы ОҚО ІІД Мемлекеттік тіл және ақпарат басқармасына сілтеме жасап, екі әйел жарақаттады, – деп хабарлайды Tengrinews.kz.
“Оңтүстік Қазақстанда той үстінде болған атысқа қатысты қылмыстық іс қозғалды. 2017 жылдың 15-тамызында шамамен түнгі сағат 1-лерде Сайрам аудандық ІІБ кезекші бөліміне Ақсукент мейрамханасының алдында атыс болып жатқаны жайлы хабарлама келді. Оқиға орнына келген полицейлер жастардың қонақтардың назарын өздеріне аударту үшін бірнеше рет оқ атқанын анықтады”, – деп хабарлады ІІД өкілдері.
“Күдіктілердің бірінің үйін тінту кезінде полицейлер аң аулайтын мылтық пен екі травматикалық қару және түрлі оқ-дәрілерді тәркіледі. Екінші күдіктінің Mercedes көлігінен аң аулайтын қару тәркіленді”, – деді ведомстводағылар.
Бұл дерек Сайрам ауданының сотқа дейінгі бірыңғай тергеу реестірне тіркелді. ҚР Қылмыстық кодексінің екі бабы бойынша: 293-бап – “Бұзақылық” және 287-бабы – ” Қаруды, оқ-дәрiлердi, жарылғыш заттарды және жарылыс құрылғыларын заңсыз иемдену, беру, өткiзу, сақтау, тасымалдау немесе алып жүру” бойыншы қылмыстық іс қозғалды. Күдіктілер уақытша ұстау изоляторына қамалды.
Сотқа дейінгі тергеу басталды.