20 жыл бойына пәтерден пәтер жалдап еліміздің әр түкпірінде тұрып келген 8 балалы ана Жеңісгүл Ермұхаметтің зар арманы Қадір түні орындалды. Қасиетті бұл күнде „Харекет„ қоры тауқыметтен әбден титықтаған отбасыға Астанадан пәтер кілтін сыйлады.
Бұл жақсы жаңалықпен “Өнер қырандарының” актері Жанболат өзінің Instagram парақшасында бөлісті.
Айта кетелік, соңғы 2-3 жыл бойына Жеңісгүлдің жағдайына БАҚ өкілдері қоғамның назарын бөліп келеді. Өйткені
8 балалы отбасының басты асыраушы отағасы мүгедек боп қалған. Бірнеше жыл бойына көпбалалы бұл отбасының күні балалардың жәрдемақысына ғана қарап қалған. Ал 40 мың теңге пәтер жалдамақ түгілі балалардың аузына тосатын тамаққа әрең жетеді.
Бала аш отырғанда ана қалай қамсыз отырсын. Шарасыздықтан Жеңісгүл Ақорданың алдынан бір-ақ шыққан. Өз мәселесіне билік назар аударып, көңілдері түсер деп үміттенді. Бірақ одан 8 балалы ананың жағдайы оңалмаған. Өйткені үкімет көпбалалы ананы баспанамен қамсыздандыра алмапты. 2016 жылы тек жатақханадан бір бөлме бөліп беруге шамалары жеткен.
Бірақ тар бөлме, тойып ішпеген ас, жұтаңдық бұл отбасыны бәрібір титықтата түскен.
“Алланың қалауымен сіздердің себептеріңізбен, қасиетті Қадір түнінде “Харекет” қорымен бірге 13-ші баспананың кілтін Астана қаласынан 8 балалы отбасына табыстадық. Аллаға шүкір!”, – деп жазды Жанболат.
https://kaz.365info.kz/nege-tua-beresi-a-t-bede-sheneunikter-14-bala-tu-an-jelge-1-p-terdi-re-berdi-224381
Айта кетейік, “Харекет” қайырымдылық қоры осыған дейін еліміздің түпкір-түпкіріндегі көпбалалы, тұрмысы төмен отбасыларға үй сыйлады. Олар 1000 теңгеге баспана ұранымен, өздерінің көпшілікке көмек көрсетумен келеді.