Қасиетті Ораза айт мерекесінде Жетісу жұртшылығы мешітті тегін тазалап жүрген келіншекке көлік мінгізді.
Халықтың разылығына бөленген Земфира Нұралбекованың отбасы Талдықорған шетіндегі ауылда тұрады. Отағасы екеуі үш бала тәрбиелеп отырған ана енді жеке көлігімен мешітке қатынайтын болады, – деп хабарлайды 31 телеарна.
https://kaz.365info.kz/sivi-korealmajtyndarga-olenmen-zhauap-khatty-265514
Рамазан айында аспаздың қызметін атқарып, аумағы төрт жарым мың шаршы метрлік мешіт ғимаратын біраз уақыттан бері тегін тазалап жүрген әйелге көлік мінгізу туралы идеяны жас қарилар көтерген екен.
Бұл осы уақытқа дейін тарауық оқыған қарилар мен мешітте жатып білім алатын шәкірттердің ас-суын қамдап, сауабын алған жанға деген сыйлары болып шықты. Қадір түнінде өздерінің қызметіне деп жұрт жинаған садақаны түгелімен беруге уағдаласқан қарилардың бастамасын имамдар қолдаған.
https://kaz.365info.kz/akhtobe-oblysyndagy-meshit-imamdarynyn-biri-okhushy-khyzynyn-oramalyn-sheshkizbej-zhyr-290456
Мешіттің тұрақты жамағаты да сауапты іске ортақтасып, қолдарынан келгенше жәрдемдесіпті.
“Осында жатқан имам кісілер бір қуантқысы келген екен. Ол кісілерге Алла разы болсын. Алладан қайтсын, барлықтарыңызға Алла осындай жақсылық нәсіп ете берсін”, – дейді көлік иесі.