ҚР Сыртқы істер министрі Виталий Чуркиннің қазасына байланысты Ресей халқына көңіл айтты
БҰҰ-дағы Ресейдің тұрақты өкілі Виталий Чуркин 65 жасында Нью-Йоркте дүние салды.
Қазақстан Республикасы сыртқы істер министрі Қайрат Әбдірахманов Ресей Федерациясының БҰҰ-дағы тұрақты өкілі Виталий Чуркиннің қазасына орай көңіл айтты.
“БҰҰ қабырғасында соңғы үш жыл бойы бірге қызмет еткен Виталий Иванович Чуркиннің қазасын жеке басымның қайғысы деп санаймын. Бұл жаһандық дипломатиялық әлем үшін орны толмас қаза”, — делінген хабарламада.
Ресейдің БҰҰ-дағы тұрақты өкілі Виталий Чуркин 65 жасқа толар туған күнінен бір күн бұрын Нью-Йорк қаласында аяқ астынан көз жұмды.
Чуркин Ресейдің БҰҰ-дағы тұрақты өкілі қызметін 2006 жылы сәуір айынан бері атқарып келе жатқан еді.
Украинадағы жағдайға байланысты ол соңғы жылдары БҰҰ мінберіне жиі шығып, белсенді қызмет атқарды.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз