ҚР СІМ Петербордағы терактіні жасаған лаңкестің қазақстандық екенін жоққа шығарды
Қырғызстан сыртқы істер министрлігінің баспасөз қызметі бұл ақпаратқа қатысты қандайда бір пікір білдіруден бас тартты.
Бұл туралы Sputnik Қырғызстан хабарлады.
Бұдан бұрын ресейлік БАҚ хабарлағандай, ғаламторда жанкешті лаңкес болуы мүмкін Қырғызстан тумасының суреттері жарияланған еді. Кейбір қазақстандық БАҚ өкілдері Қазақстан Республикасы азаматының да терактіге қатысы бар болуы мүмкін екенін жазған болатын.
ҚР СІМ баспасөз қызметінің басшысы Әнуар Жайнақов лаңкестің қазақстандық болуы мүмкін деген ақпаратты жоққа шығарды.
Сейсенбі күні белгілі болғандай, жарылыс орнынан Орта Азиядан шыққан азаматтың денесі табылған. Дүйсенбі күні Мәскеу уақыты бойынша 14:30-да Санкт-Петербург метросында жарылыс болды.
Әр түрлі дереккөздерге сүйенсек, зардап шеккендер саны 45 пен 51 адам арасында.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе