Қостанайда ер адамды өз көлігінде өлтіріп кеткен

Қостанайда зорлық-зомбылық белгілері бар ер адамның мәйіті табылды, деп жазады Stan.kz Алау порталына сілтеме жасап.

Қайғылы оқиға 22 қыркүйекте болған, бірақ бұл ақпарат БАҚ-та енді пайда болды. Зорлық-зомбылық белгілері бар ер адамның денесі аулада тұрған Ford Transit көлігінен табылды.

Полицияның хабарлауынша, ер адамды өлтірді деген күдікті ұсталды. Ол 29 жастағы ер адам болып шықты және қақтығыс кезінде марқұмды қылқындырып өлтіргенін мойындады. Енді, бұл фактіге қатысты «адам өлтіру» бабына сәйкес қылмыстық іс қозғалды.