Архимед Мұхамбетов облыс атауын Торғай деп ауыстыруға қарсы екенін айтты

6 қараша 2018, 16:15

145

Әкім жеті адам қол қойған хатпен жақсылап танысып шыққанын айтады.

“Қостанай Кеңес Одағы кезінде де Қостанай деп аталған. Ол бұрын Торғай деп аталған болса мен түсінер едім.

Торғай – Жангелді ауданындағы ауыл, ол Арқалық жақта. Егер тарихи атауын қайтару болса бір жөн. Сондықтан, мен жеке басым – бұл ойға қарсымын”, – деді өңір басшысы.

Архимед Мұхамбетовтың айтуынша, ол облыстағы бірнеше қоғам қайраткерлерімен осы турасында сөйлескен.

“Мысалы біздің өңірдегі 3-4 ауданда әкім болған Сабыржан Ахметов, Халибек Дерибсалиндер хатқа қол қоймағандарын айтты”, – дейді ол.

Сондай-ақ, әкім бұл мәселемен халықты даурықтыра беру дұрыс емес екенін атап өтті.

Мұндай ұсыныстар алдымен қоғамдық тыңдалымдарда талқылануы тиіс деп санайды ол.