Тәжікстандағы өзбектер қауымы ел президенті Эмомали Рахмон мен Өзбекстан президенті Шавкат Мирзияевті келесі жылы Нобель бейбітшілік сыйлығына ұсыну үшін қол жинау науқанын бастады.
Вахдат ауданындағы Гүлістан ауылына 10 қазанда бас қосқан этникалық өзбектер осындай ұсыныс қабылдаған. Тәжікстан өзбектері қоғамының төрағасы Мухаррама Мирзоалиеваның айтуынша, бастамашыл топ Норвегиялық Нобель комитетімен байланыс орнатып үлгерген.
Екі жыл бұрын танымал саяси және қоғам қайраткері Хикматулло Насриддинов президент Эмомали Рахмонды Нобель бейбітшілік сыйлығына ұсыну қажет деп мәлімдеген.
Өзбекстанда да президент Шавкат Мирзияевті осы сыйлыққа ұсынғысы келгендер көп болды. Наманган облысының халық депутаты Олимжон Тухтаназаров, Өзбекстан ұлттық телеарналарындағы бір режиссер осындай бастама көтерген.
Тәжікстанда, ресми мәлімет бойынша, 926 мың өзбек тұрады, бұл – республика халқының 12,2 пайызы.