Семейде 6 баласымен жаздық сарайды жалдап тұратын жалғызбасты анаға мешіт тосын сый жасап, тегін үй беретіндерін айту үшін журналистермен жетіп барғанда ол шошып қалды. „Қорқытпаңдаршы мені…„ деген көпбалалы ана ұзақ уақыт өз-өзіне келе алмады.
Семейде «Харекет» қайырымдылық қоры 6 баланың анасына баспана берді. Осынау қуанышты сәттің видеосын Серік Ибрагимов өзінің Instagram парақшасына жүктеді.
«Жаратқан иеме сансыз мадақ! Сүйінші! «Харекет» қайырымдылық қоры 8-үйді иесіне табыстады. Үй Семей қаласындағы 6 баланың анасы Тоғжан Нұржанқызына берілді. Ой-ниетімен, сөз-дұғасымен, қаражат-қаржысымен үлес қосқан барша жанға Алла разы болсын!» – деп жазды әнші.
Түсірілім тобымен келген имам көпбалалы ананың үйлі болғанын айтты.
«Сізге мешіттің атынан үй алып беріп жатырмыз. Үй сіздің атыңызда. Үйіңіз құтты болсын! Жүріңіз, үйіңізге алып барайық. Алған үйіңізді көрсетейік», – дейді имам.
«Қалжыңдап тұрған жоқсыз ба? Қорқамын…», – деп көпбалалы ана көз жасына ерік берді.
https://kaz.365info.kz/nazym-yzajbaj-jli-boldym-bauyrzhan-a-ama-rahmet-233922
Үй кілтін табыстау рәсімінде “Өнер қырандары” да бой көрсетті.
Аты аталған өнер адамдарының бұл қайырымдылыққа тікелей қатыстары бар секілді деп желі қолданушылары топшылап жатыр.