Қазақстандық файтер Арман Әшімов M-1 Challenge 81 “Битва в горах 6” кәсіби турниріндегі дебютінде қарсыласын нокаутқа түсірді, – деп хабарлайды Тengrinews.kz тілшісі Қазақстанның ММА Федерациясының баспасөз қызметі өкілдеріне сілтеме жасап.
Турнир Ингушетияның Таргим қаласында өтті, мұнда Әшімов жеңіліп көрмеген дағыстандық Гаджимурат Алиевті екінші раундта нокаутқа түсірді. Бірінші раунд бойынша қазақстандық қарсыласына партерге өтуге мүмкіндік бермей, басымдығын танытқан. Ал екінші раундтың басында Әлиев шабуыл жасамақ болды, Арман осы кезде оң жұдырығын қарсыласына дарыта білді.