Қазақстандықтар ЭКСПО-дағы Оңтүстік Корея павильонынан 20 планшетті ұрлап кетті

“Ұйымдастырушылар аң-таң болып отыр. Ішке бір мезетте 50 адамға дейін кіре алады. Бірақ, біздің адамдар мұны түсінбей, кезекті бұза-жарып кіргісі келеді. Сөйтіп кіремін деп қолайсыздыққа тап болады, қоршауларды бұзып кетеді. Ұйымдастырушылар қазақстандықтарды өз арасында, жұмсақтап айтқанда жетесіз деп санайды”, – дейді ол.

“Келушілер соңғы бөлмеге кірген кезде оларға планшеттер таратылады. Соның көмегімен олар таныса алады. Бірақ, шығар кезде бұл планшеттерді қайтару керек. Ал біздікілер бұны сый деп санайды да, құрылғыларды қайтармай кетеді. Екі айдың ішінде 20 планшет жоғалды. Өз басым қатты ұялдым”, – деді ерікті.

Кейінірек, Оңтүстік Корея мемлекетінің павильоны ұйымдастырушылар планшеттердің жоғалғанын ресми түрде растады және бұл туралы кеңірек түсініктеме беруге уәде етті.