Қазақстандық спортшы қыздар Азия чемпионатын сәтсіз бастады
Вьетнам елінің Хошимин қаласында бокстан өтіп жатқан Азия чемпионатының алғашқы күні екі қазақстандық ару жарыс жолынан шығып қалды, деп хабарлайды ҚазАқпарат тілшісі.
Азия біріншілігінің бірінші күні үш бұрымды боксшымыз шаршы алаңға шыққан болатын. Өкінішке қарай, 54 келі салмақта сынға түскен отандасымыз Дина Жоламан мен 60 келіде шаршы алаңға шыққан Римма Волосенко қарсыластарынан ұтылып қалды. Дина Жоламан солтүстіккореялық Ким Сонг Симнен жеңілсе, Римма Волосенко оңтүстіккореялық О Еонжиден ұтылды.
Ал 48 келіде ел намысын қорғап жатқан аруымыз Алуа Балқыбекова бәсекені жеңіспен бастап, келесі айналымға өтті. Ол алғашқы жекпе-жегінде қытайлық Хе Лин Юннен басым түсті.
Естеріңізге сала кетейік, бұл додада Қазақстан құрамасы толық құрамда өнер көрсетіп жатыр. Азия чемпионатына 22 елден 118 спортшы бақ сынауда.
Серіктестер жаңалықтары
© «365 Info», 2014–2024 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз