Қазақстандық өңдеу өнеркәсібінің өнімдері 110 елге экспортталады

22 қыркүйек 2017, 21:33

Биылғы жылдың қаңтар-маусым айларының қорытындысы бойынша өңдеу өнеркәсібі өнімдерінің экспорт көлемі 7,5 млрд. долларды құрап, өткен жылдың сәйкес кезеңімен салыстырғанда 28 пайызға артты.

Министрдің айтуынша, Қазақстандық өңдеу өнеркәсібінің өнімдері 110 елге экспортталады. Бірқатар тауар түрлері үшін жаңа өткізу нарықтары ашылды.

Алғаш рет Lada Niva жеңіл автокөлігі ҚХР мен БАӘ-не, Тәжікстанға JAC автокөлігі экспортталса, ауыл шаруашылық машина жасау өнімдері бойынша «ДонМар» компаниясы шығаратын дестелегіш алғаш рет Ресейге экспортталды.

Мемлекеттік бағдарлама іске асырылған 7 жылда өңделген тауар экспортының номенклатураларының артқаны байқалып отыр.