Қазақстандық Данэлия Тулешова Украинада өткен шоуда жеңімпаз атанды

18 желтоқсан 2017, 16:40

221

Жас әншінің баспасөз хатшысының сөзінше, Данэлия финал мен суперфиналда жалпы 5 әуен орындаған. Сонымен қатар ол «Елдің бала дауысы» атағын иеленіп, Disneyland Paris-де саяхатауға жолдама берілді.

«Голос» – ол менің бала арманым. Адамдар менің әнімді тыңдаған кезде, көпшілігі маған хат жаза бастады. Сенім білдіргендеріңізге рахмет», – деп қуанышын бөлісті Данэлия Тулешова.

Айта кетсек, жас әншінің Youtube арқылы тараған видеосын 1 млн-нан астам адам көріп үлгерген еді.

Данэлия шетелдік өнер сахнасына бірінші рет шығып отырған жоқ. 2015 жылы «Аялаған Астана» халықаралық байқауында – жеңімпаз, «Жаңа толқын» байқауында көрермен көзайымы жүлдесін алған еді.