30 жастағы Дана Қабылдаева Оңтүстік Кореядағы халықаралық модельдер байқауында ең әдемі және ақылды деп танылды.
“Олар ұлтымның кім екенін сұрайды. Мен қазақпын деп жауап бергенде, осындай бет-жүзіміз болатынын анықтап сұрады. Яғни, бізде еуропалық және азиялық ерекшеліктердің қоспасы бар. Сондықтан, олар үшін бұл өте әдемі көрінеді”, — дейді Дана.
Дана Қабылдаева Кореяға төрт жыл бұрын студенттік бағдарлама бойынша келген. Мұнда жолдасымен танысып, ағылшын тілінің оқытушысы болып жұмысқа тұрады. Модельдер сайысы туралы достарынан естіген, бұған дейін ол ешқашан сахнаға шығып көрмепті. 10 ай бұрын ана атанғанын айтты.
Модельдер конкурсының ұйымдастыру комитеті Дана сән көрсетілімдеріне қатысуға үлкен жеңілдіктер алатынын хабарлады. Ол ток-шоуларға және Кореядағы түрлі бағдарламаларға шақырылады. Сондай-ақ, драмаларда рөл алуға, жарнама моделі болуға мүмкіндік бар.