Қазақстандағы су тасқыны: батыруға көршілер “көмектесіп жатыр”

• адамдардың өздерінің жерге деген немқұрайлығы — үйлер басып алынған жерлерге тұрғызылған;
• жергілікті билік өкілдерінің су қорғау аймақтарында ДТҚ үшін учаскелер беруі;
• ландшафты ескермей, көп пәтерлі тұрғын үйлерді сауатсыз жобалау;
• аумақтарды қардан, өзен арналарынан және су өткізу құрылыстарынан қоқыстан уақтылы тазартпау.

Шаруашылық құлдырауда

Бірақ бәрі емес. Ауыл шаруашылығы вице-министрі Ерлан Нысанбаевтың айтуынша, су тасқыны болжамында көршілес елдердің аумағынан түсетін су тасқыны көлемі көрсетілмейді.

— “Қазгидромет” РМК су тасқыны суларын анықтау бойынша шекаралас елдердің гидрометеорологиялық қызметтерімен жұмысты жандандыру қажет деп есептейміз, – дейді вице-министр.

Су тасқынының алдын алумен күресу үшін министрліктің бассейндік инспекцияларының жұмыс тобы 1 715 гидротехникалық құрылыстардың 1 135-ін көзбен шолып тексерді. Көбінің жағдайы тозған және бұзылған күйінде пайдаланылып келген. Министрлік әкімдіктермен бірге күн сайын су қоймаларындағы су деңгейін бақылайды. Әрбір объектіде тәулік бойы кезекшілік ұйымдастырылған.

Апатпен күресуге жарты миллиард

Кем дегенде 505 елді мекенде су басу қаупі жоғары. Сондықтан “Казводхоз” РМК жанар-жағар май, инертті материалдар мен арнайы техниканың апаттық қорын құрды. Жалпы, барлық қызмет табиғаттың сын-қатерін қарсы алуға дайын.

— Республикалық нысандарда су тасқынына қарсы іс-шараларды жүргізуге республика бюджетінен 97,07 млн теңге бөлінді, – деп нақтылады Ерлан Нысанбаев. —

Министрлік 593,8 млн теңге сомасында қосымша қаражат бөлуге бюджеттік өтінім енгізді

Яғни, министрліктің көктемгі су басумен күресу бюджеті 6 есеге артады. Ал бұл 2019 жылдың көктемі бұрын болжанғаннан гөрі сұрапыл болатынының көрсеткіші.