Қазақстанда онлайн несие алу қиындайды
Қазақстанда жаңа жылдан бастап онлайн несие рәсімдеу тәртібі қиындайды.
Себебі жаңа жылдан бастап банктер онлайн несие рәсімдеу үшін өтінімді түскен бойда мақұлдай алмайды, кемі бір күн өтуін күтеді. Осылайша, қаржы нарығын реттеу және дамыту агенттігі тұтынушыларды алаяқтардан қорғауды көздеп отыр.
Сондай-ақ онлайн несиеге өтінім берген тұтынушы биометриялық сәйкестендіруден өтіп қана қоймай, жеке басын растау үшін электронды цифрлық қолтаңбасын (ЭЦҚ) қолдануға міндетті. Бұл тәртіп – банк клиенттерін алаяқтардан қорғаудың бір амалы. Сонымен қатар микроқаржы ұйымдары ақшаны аударғанға дейін банк шотының немесе төлем картасының тұтынушыға тиесілі екенін тексеруі шарт. Әрі банктер онлайн несие алуға қатысты түскен өтінімді сол сәтте-ақ мақұлдай алмайды. Өйткені қаржы нарығын реттеу агенттігі кемі бір күн күтуге кеңес берген. Демек сұранымды бөгде адам жолдаса, тұтынушы несиеден бас тарта алады.
«Бүкіл әлем бойынша 2-3 пайыз тұтынушылық несие. Енді сен тұтынушылық несиеге кіріп кеттің, 30-35 пайыз. Бітті саудаң. Одан кейін сен тағы бір кредит аласың. Енді қазір оны доғарамыз деп жатыр ғой. Бірақ дегенмен де қазаққа оның жолын табу оңай. Сенің атыңа, мына кісінің атына, ана кісінің атына сөйтіп бір-біріміздің атымызға жазып бәрібір ала береміз», – дейді Жангелді Шымшықов.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе