Нұр-Сұлтан
Қазір
-16
Ертең
-32
USD
435
-1.25
EUR
490
-2.46
RUB
5.85
-0.07

Қазақстанда мұғалімдер жетіспейді, ал заңгерлер тым көп – зерттеу

Елімізде жұмыс іздеушілердің саны ғана емес, жұмыс орындарының саны да өсуде. Мұның себебі “мамандардың артықшылығында”: кейбіреулері тым көп, ал екіншілері тым аз.

Еңбек ресурстарын дамыту орталығы 2021 жылғы тамыз бен қыркүйегіндегі еңбек нарығының үрдістерін қарастырды. Дәстүрлі түрде мұғалімдер жетіспейтіні белгілі болды, бірақ ешқандай сұраныс жоқ жаңа жұмыс орындары да бар,. Мүмкін, бұл ұсынылған еңбекақысына да байланысты шығар.

Әр маусымның өз қажеттіліктері бар

Орталық сарапшылары 2021 жылдың қыркүйек айында электрондық еңбек биржасында

кәсіпорындардың кадрларына сұраныс 22%-ға өсті – 137 мың бос орын

Түйіндеме санына және өсуіне қарамастан (+8%) сұранысты қанағаттандыру мүмкін болмай отыр. Жұмыс ізденушілердің барлық саны тек 62.2 мың адам болды.

Білім беру саласындағы бос орындар саны 18 мыңнан асады. Авторлар мұны жаңа оқу жылының басталуымен және офлайн оқуға оралуымен түсіндіреді.

Тамыз айында жалпы үрдіс шамамен осындай болды. Жалпы 57,5 мың түйіндеме және 113,1 мың бос жұмыс орны пайда болды. Бос орындар саны шілдемен салыстырғанда 135%-ға (+16,7 мың), ал түйіндеме – 71%-ға (+21,2 мың) артты. Сонымен қатар, шет тілдері (+1,8 мың), орыс тілі мен әдебиеті (+1,7 мың), сондай-ақ бастауыш сынып және математика (+1,2 мың) мұғалімдері сұранысқа ие болды.

Ең көп бос жұмыс орны орта мектеп мұғалімдерінде — 38% болған. Әсіресе Алматы (+130%), Жамбыл (+142%) және Маңғыстау (101%) облыстарында.

Тамыз айында да мұғалімдердің түйіндемелерінің саны өсті. Оның ішінде шет тілі (+1,4 мың), бастауыш сынып (+844), дене шынықтыру (+810) және қазақ тілі (+725) мұғалімдері.

Орталықта мұны салада бір уақытта кейбір мамандардың жетіспеушілігімен қатар басқа мамандардың артық болуымен түсіндіреді. Мысалы, жұмыс іздейтін дене шынықтыру мұғалімдері қажет болғаннан көп болып шықты – 805 бос орынға 1 269 түйіндеме түсті. Ал қазақ тілі мен әдебиеті мұғалімдерінің 1 180 резюмесіне 788 бос жұмыс орны ғана табылды.

Сондай-ақ, сарапшылар маусымдық қажеттілік ретінде

от жағушыларға, қазандық операторлары мен жылытушыларға сұраныстың өсетінін айтты

Жалпы сандар бойынша өсу алдыңғы жағдайдағыдай әсерлі емес. Жалпы қыркүйек айында оларға үш мыңнан астам сұраныс болды.

Қыркүйек айындағы сұранысқа халық санағы да әсер етті: 7,8 мың интервьюер бос жұмыс орны пайда болды — тамыз айымен салыстырғанда 5,3 мыңға артық. Олардың басым бөлігі Түркістан, Шығыс Қазақстан, Алматы және Жамбыл облыстарында қажет болды.

Сонымен қатар, сұхбаттасумен айналысуды қалайтындар өте аз болды,

тамыз айында 2 560 бос орынға тек сегіз түйіндеме ұсынылды.

Тазалықшылар мен аула тазалаушылар да жетіспейді

Республикадағы бос жұмыс орындарының жалпы саны өскенімен, Алматы мен Маңғыстау облысында олардың саны, керісінше, тиісінше 10%-ға және 7%-ға қысқарған. Сонымен қатар, мұнда жұмыс іздеушілер саны да азайды — Алматыда 24%-ға, Маңғыстау облысында 21%-ға.

Жарияланған бос орындар саны бойынша көшбасшы Алматы облысы болды — 12,6 мың (өсім 6,6 мың, немесе 109%). Түйіндеменің ең үлкен пайыздық өсімі Ақмола (+40%) және Солтүстік қазақстан (+39%) облыстарында орын алды. Бірақ

бұл аймақтарда бүкіл республика бойынша ең аз жұмыс іздеушілер болды

– тек алты және екі мың тиісінше.

Тамыз және қыркүйек айларында күзетшілердің жетіспеушілігі байқалды. Қыркүйек айында оларға сұраныс 2,3 мың, ал жұмыс іздеушілер тек 504 адам болды. Тамыз айында 2 189 бос жұмыс орнына 399 түйіндеме келді.

Тамыз айында сұранысқа ие болған:

  • сатушы-кеңесшілер (171 түйіндемеге 1 169 бос орын)
  • кассирлер (139-ға 910 бос орын)
  • аспаздар (500-ге 1255)
  • тәрбиешілердің көмекшілері (271-ге 1024)

Сондай-ақ, мектептердегі еден жуушыларға (241 түйіндемеге 1 013 бос орын) және аула тазалаушыларға (523-ке 1 159) сұраныс жоғары болды.

Заңгерлер мен қаржыгерлер тым көп

Сондай-ақ, сарапшылар қыркүйек айында автокөлік жүргізушілерінің (948 түйіндеме және екі мың бос жұмыс орны), сондай-ақ тәрбиешілердің (1,3 мың түйіндеме және 2,3 мың бос жұмыс орны) жетіспеушілігін атап өтті. Біліктілікті талап етпейтіндердің арасында қосалқы жұмысшылар, жүк тиеушілер, қара жұмысшылар, ас үй жұмысшылары және мектептерде еден жуушылар бар. Сонымен қатар, вахтерлар мен елді мекендерді абаттандыру бойынша жұмысшылар арасында жоғары бәсекелестік орын алды.

Қыркүйек айында білікті мамандардың ішінде заңгерлердің (790 түйіндеме 331 бос орынға), дене шынықтыру мұғалімдерінің (1,3 мың 965-ке), сондай-ақ қаржыгерлердің (238 түйіндеме және 24 бос орын) саны көп болды.

Бос жұмыс орындарының ең көп санын білім беру, ауыл шаруашылығы және басқа да қызметтер, сондай-ақ статистика және әлеуметтану саласындағы кәсіпорындар құрады.

Өңірлер бойынша білім беру саласында ең көп сұраныс Алматы (3,6 мың бос орын), Ақтөбе (2,7 мың), Қарағанды (2,3 мың) облыстарында және Нұр-Сұлтанда (2,3 мың). Өз кезегінде ауыл шаруашылығы кәсіпорындарынан ең көп бос орын оңтүстік өңірлерде — Түркістан (3,5 мың), Алматы (2,3 мың) және Жамбыл (1,6 мың) облыстарында жарияланды.

Серіктестер жаңалықтары
Көп қаралған
© «365 Info», 2014–2021 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз