Ет бағасының жылдық өсімі 8-10 процентке құрап отыр. Ал азық-түлік тауарларының дәл осындай орташа өсім көрсеткіші небәрі 5,5 процентті құрап тұр, деп хабарлайды Baq.kz ақпарат агенттігі Ranking.kz порталына сілтеме жасап.
Қазақстандықтар үшін ет бірте-бірте қымбатқа түсіп жатыр. Бір жыл ішінде сиыр еті бағасы қатты қымбаттаған. Яғни, 9,9 процентке қымбаттап, бір килограмм сиыр етінің құны 1481 теңгені құраған. Ал қой етінің бағасы 9 процентке артып, бір килограмм үшін 1390,1 теңге шамасында болған. Шошқа еті мен жылқы еті сәйкесінше 8,8 процентке қымбаттап, бір килограмм үшін 1254,3 теңгені және 8 процентке қымбаттап, бір килограмм үшін 1619,9 теңгені құраған.
Сиыр еті мен қой етінің ең қымбат бағасы Астанада тіркелген. Бұл ет түрлерінің бір килограмм үшін құны сәйкесінше 1666 және 1720 теңгені құраған. Ал ең қымбат шошқа етін жезқазғандықтар сатып алатын болған. Мұнда еттің бір килограмы үшін баға 1463 теңге шегінде болған. Сол сияқты Қарағандыда жылқы еті қымбат (бір килограмы 1841 теңге) болса, Атырауда құс еті қымбат (бір килограмы үшін 890 теңге) күйінде сақталған.
Ет өнідірісі күн артып өсіп келеді. 2 айдың ішінде шығарылым көлемі 41 мың тоннаға жеткен. Бұл алдыңғы жылғы көрсеткіштен 12,8 процентке артық. Ет өндірісінің үлкен көлемі Алматы, ШҚО және Ақмола облыстарында тіркелген.