Қазақстанда доллар қымбаттап жатыр
Әлемдік мұнай нарығындағы баға құлдырап, ол еліміздегі ақша айырбас құнына әсер етті.
Kurs.kz сайтының мәліметінше,
бүгін ақша айырбастау пункттерінде ұлттық валютаның долларға шаққандағы бағамы 316-318,5 аралығында саудаланып жатыр.
Ал кешегі, 4-мамырдағы Қазақстанның қор биржасының таңғы және күндізгі сауда қорытындысында ұлттық валюта бағамы долларға шаққанда 315,68 теңге көрсеткішінде тұрған еді.
Айта кетейік, мұнайдың әлемдік бағасы АҚШ-тағы шикізат қоры бойынша мәліметтері шыққаннан кейін “қара алтынның” шамадан тыс көп болуы мүмкін деген болжам-қатеріне байланысты төмендеп отыр. Бүгін Лондондағы биржада Brend маркалы мұнайдың бір баррелі 48, 43 доллардан саудаланып жатыр. Ал кеше кешкісін ол 50 доллардан саудаланып, 2016 жылдың қараша айында белгіленген ең төменгі көрсеткішті игерген еді.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе