Қазақстанда 1-шілдеден бастап жаңа жәрдемақы енгізіледі
Жәрдемақы бірінші топтағы мүгедек балаларды тәрбиелеп отырған аналарға беріледі. Олар 18 жасқа толғаннан кейін де мемлекеттен көмек алатын болады, деп хабарлайды Baq.kz ақпарат агенттігі YK-news.kz сайтына сілтеме жасап.
«Қазақстан Республикасы Президентінің Жолдауына сәйкес, балалық шақтан бірінші топтағы мүгедектерді асырап алған адамдар өмір бойы жәрдемақы алуға құқылы болатындай, біз заңнамаға түзетулер енгізгіміз келеді», – деді еңбек және халықты әлеуметтік қорғау вице-министрі Светлана Жақыпова.
Ал, Шығыс Қазақстан облысы Еңбек және әлеуметтік қорғау департаменті нақты сомалар туралы айтуға әлі ерте екенін хабарлады.
«Қазір нормативтік-құқықтық база жасалып жатыр”, – деп түсіндірді әлеуметтік мәселелер жөніндегі басқарма бастығының орынбасары Марина Шаронова.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе