Қазақстан мен Түрікменстан шекарасында жаңа застава ашылды
Маңғыстауда Қазақстан мен Түрікменстан шекарасында «Болашақ» шекаралық заставасының ашылу салтанаты өтті.
Бұл туралы ҚР ҰҚК Шекара қызметінің баспасөз қызметі хабарлады. Салтанатты шараға шекара күзеті өңірлік басқармасының қолбасшылығы, Маңғыстау облысының әкімі, ҚР ҰҚК Шекара қызметінің ардагерлері және Болашақ ауылының тұрғындары қатысты.
Жиналғандар қазіргі заманның сын-қатерлері Қазақстан шекарашыларынан дайындық пен материалдық-техникалық жабдықтаудың жоғары деңгейде болуын талап ететінін айтты. Шекаралық кешенде заманауи инфрақұрылымның қажетті нысандары: заставаның әкімшілік ғимараты, офицерлік құрамның үйлері, әскерлерге арналған заманауи казарма, асхана, спорт кешені, балалар ойнайтын алаңдар бар. Бұған дейін шекарашылар жылжымалы модуль негізінде қызмет етіп келген.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе