Қазақстан COVID-19-ға қарсы ресейлік вакцинаға қызығушылық танытып отыр
Мемлекет басшысы Қасым-Жомарт Тоқаев Ресей Федерациясының Президенті Владимир Путинге COVID-19 індетіне қарсы әлемдегі ең бірінші вакцинаның тіркелуіне орай құттықтап, жеделхат жолдады.
«Бұл оқиға Ресей ғылымының жоғары әлеуеті мен беделін нақтылай түсті. Сондай-ақ Ресейдің осы жаһандық қауіп-қатерге қарсы күрестегі жетекші рөл атқаратынын көрсетті, —
Әлемде қалыптасқан осынау қиын-қыстау кезеңде Қазақстанға үнемі қолдау көрсетіп, оның ішінде, гуманитарлық көмек беріп және еліміздегі санитарлық-эпидемиологиялық ахуалдың жақсаруына үлкен үлес қосқан дәрігерлер жібергеніңіз үшін Сізге ризашылық білдіреміз».
Тоқаев Қазақстан мен Ресейдің осы саладағы тиімді өзара іс-қимылын жоғары бағалады.
«Тамыздың екінші жартысында үкіметтік делегация ресейлік вакцинаны сатып алу мәселелерін талқылау үшін Мәскеуге барады», —
деп мәлімдеді мемлекет басшысы.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе