Қазақстан “Айка” фильмін “Оскар” жүлдесіне үміткер ретінде ұсына алмайтын болды
Қазақстан “Айка” фильмін “Оскар” жүлдесіне үміткер ретінде ұсынуға рұқсат ала алмады.
Бұл туралы ҚР мәдениет және спорт министрі Арыстанбек Мұхамедиұлы мәлімдеді деп хабарлады Tengrinews.kz.
“Сергей Дворцевой Қазақстанда туып, өскен, алайда ол өкінішке қарай, Ресей азаматтығын алған. Бас продюсерлердің бірі Қазақстан азаматы Гүлнар Сәрсенова, сонымен қатар фильмде Самал Еслямова түскен. Сол себепті біз фильмді қазақстандық дей аламыз. Біз “Оскар” жүлдесіне ұсынғанымызда өнімнің талап бойынша 50 пайызы біздікі болуы керектігін айтып, рұқсат бермеді”, – деді министр.
Айта кетейік, биыл мамырда қазақстандық әртіс Самал Еслямова 71-ші Канн кинофестивалінде үздік актриса атанған еді. “Айка” фильмі Қызғыз елінен келген жас қыздың оқиғасын баяндайды. Ол Мәскеуге заңсыз келіп, жұмыс істеп жүреді. Бір күндері ол жүкті болып, баланы перзентханаға тастап кетеді. Алайда уақыт өте келе ана сезімі оянып, Айка өз тастанды баласын іздей бастайды.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе