Жазушы Талғат Кеңесбаев қазақтың саны бар, сапасы жоқ жас ақындарын иттің боғына теңеп, күңіренді.
Осы мәсле жайындағы өзінің пайымын жазушы Фейсбуктегі жеке парақшасында жариялапты.
„Ойлы адам өлең оқығысы келеді.Өз басым бір шумақ өлеңімді жарияламаппын. Өйткені қолымнан келмейді. Мойындаймын.
Абай, Шәкәрім, Нұрпейіс Байғаниннен бастап Даулеткерей Кәпұлына дейінгі ақындарды жиі-жиі қолыма алып оқып отырамын. Кейбір жылдары бір ақынның “төңірегінде” жылдап “арқандаулы” жүретінім бар. Мысалы Мейірхан Ақдаулет, Әбіш Қайранов, Қасымхан Бегіманов өзіміздің Ұлықбек енді биылғы айналдыратыным Аманхан көкем, Есенқұл осылай кете береді.
Бұл буыннан сәл жоғары кетсек Жаркен, Ғалым, Иранбек, Исрайыл, Есенғали құдайға шүкір қазақтың мықты ақындары жетерлік.
“Журнал шығарып жатыр едім, маған жасы 16 мен 25 арасындағы ақындардың тізімін жасап берші” деп бір қарындасыма өтініш жасап едім, ертеңінде-ақ 50 шақты жас ақындардың тізімін жасап әкеп берді. Содан интернетке кіріп тұп-тура 10 күн күндіз-түні оқып шықтым. Тфу, әкеңнің …деппін ыза болғанымнан…Ой,ой былапыт қой мынау… Былапыт.
Тәңірім деп, айға ұлып, өлем деп, өзенге жүгірген өңкей жүгірмек… Қояншық, ми-батпақ қой мынау. Қайран,қазақтың қара өлеңі…
Енді, тағы бір азаматқа жүгініп, сен іріктеп, 50 жас ақынды әкел дедім. Оқимын. Жаңа аяғын тәй -тәй басқан “Қызыл Жусан” журналына жариялаймын…
Бізге “Иттің боғынан көп” ақын керек жоқ. Қазақтың қара өлеңін қастерлейтін мықты ақын керек…
Ренжімеңіздер… Саналы адам бұл сөзімді түсінер…„.