«Қатып қалсын!»: Ақтөбе облысынд әйел баланы аязда далаға жалаңаш алып шыққан
Желіде Ақтөбе облысы, Хромтау қаласында аязды күні жартылай жалаңаш баланы далаға алып шыққан әйелдің видеосы тарады.
Видеода әйелдің қыстық киім киіп алғаны, ал баланың тек футболка мен іш киімде жүргені көрінеді. Жолдан өтіп бара жатқан куәгердің «Бала қатып қалатын болды ғой» деген сөзіне әйел «қатып қалсын» деп жауап берген.
Әлеуметтік желіде бұл жағдай үлкен резонанс тудырды. Пікір қалдырушылардың бірі әйелдің бұл әрекетін қатыгездік деп бағаласа, енді бірі тиісті органдардан жағдайды тексеруді және әйелді жауапкершілікке тартуды талап етуде.
Әйелдің аты-жөні Әлмира Назарова екені анықталды. Ол желі қолданушыларын пікір білдіргені үшін прокуратураға арызбен қорқытқан.
«Баланы ешкім далаға қуып шығарған жоқ. Ол қашып кеткен жерінен ұсталып, үйіне жеткізілді. Ешкім сіздердің пікірлеріңізді сұраған жоқ», – деп жазған Әлмира Назарова.
Ал Хромтау полициясы бұл ақпарат тексерілетінін мәлімдеді.
Серіктестер жаңалықтары
© «365 Info», 2014–2025 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз