Нұр-Сұлтан
Қазір
3
Ертең
3
USD
450
-0.49
EUR
487
-1.57
RUB
4.86
0.00

Қатаң карантин қайта енгізілуі мүмкін: ауру жұқтырғандар орта есеппен 4,8%-ға өсті

534

Алматы мен басқа қалаларда ресми түрде карантин режимі тоқтатылған жоқ, бірақ қазірдің өзінде жол қозғалысының жанданғанын байқауға болады. Қалада жүз адамның бір-екеуінің ғана бетперде мен қолғап кигенін байқауға болады, олардың ішінде балалар мен қарттар да бар. Денсаулық сақтау министрлігі ерте босаңсып кеткендігін ескертеді. Өңірлер бойынша вирус жұқтырғандардың өсуі шамамен 5% және одан да жоғары. Бұл аурудың жаңа толқынына, яғни карантин режимін күшейтуге алып келуі мүмкін.

Карантин шараларын бәсеңдету кезеңдері

Естеріңізге сала кетейік, 11 мамырда Президент Қасым-Жомарт Тоқаев төтенше жағдай режимін тоқтатты. Сол күні таңертең қалада карантин де  алынып тасталғандай қала өмірі жанданып кетті. Алайда  Нұр-Сұлтан, Алматы, Шымкент және еліміздің басқа да қалаларында карантин режимі сақталынып тұр.

10 мамырдағы мәліметтер бойынша, Қазақстанда төтенше жағдай соңғы күні коронавирустық инфекцияны жұқтырудың 5 мыңнан астам оқиғасы расталды

Бүгін, 19 мамыр күні ҚР Денсаулық сақтау вице-министрі Людмила Бюрабекова елімізде жұқтырудың 311 оқиғасы тіркелгенін хабарлады. Яғни, осы күні ауру жұқтырғандардың  өсу қарқыны  карантиндік шаралардың әлсірегеннен  9 күннен кейін 4,8%-ды құрады.

Вице-министр

соңғы бірнеше күндегі өсім алдыңғы күндерге қарағанда айтарлықтай жоғары деді

— ТЖ режимі алынды, бірақ карантиндік шаралар, әсіресе, вирус жұқтырғандар  өсімі 5%-дан жоғары өңірлерде сақталады.

Естеріңізге сала кетейік, 12 мамырда төтенше жағдай режимі алынып тасталғаннан кейінгі күні ҚР Бас мемлекеттік санитарлық дәрігері Айжан Есмағамбетова карантинді жеңілдетудің үш кезеңі туралы айтқан болатын. Бірақ ол төтенше жағдаймен бірге карантиндік шараларды түпкілікті алып тастау туралы сөз қозғамады.

— Бірінші кезең — егер бір апта ішінде коронавирустық инфекция жағдайларының өсімі 7%-дан аспаса; Екіншісі — бір апта ішінде ол 5%-дан аспаған жағдайда; Карантиндік шараларды жұмсартудың үшінші деңгейі апта ішінде  ауру жұқтырғандар 2%-дан аспаған жағдайда  енгізілетін болады.

Сонымен қатар, ол карантинді жеңілдету әр өңірде эпидемиологиялық жағдайға байланысты жеке сценарийі бойынша өтетінін атап өтті.

Бас санитарлық дәрігер

адамдар көп жиналатын отбасылық мерекелерді  атап өтуге әлі ерте. Мұның бәрі өсім көрсеткіші 2%-ға дейін және одан азайған кезде ғана мүмкін болады деп ескертті.

Алайда адамдар көшелерге шығып, белсенді өмір қайта басталды, қала бойынша жеке автокөліктерімен жүріп-тұруда,  тіпті Алматыда тауға серуендеу маусымын да ашып алды.

Ауру жұқтырғандардың саны неліктен өсуде?

Людмила Бюрабекова аурудың өсу пайызы белсенді кәсіби скринингтің енгізілуімен байланысты дейді.

— Біз зертханалардың қуатын тәулігіне 28 мың тестке дейін арттырдық

Бұл тауарлар мен қызметтердің сапасы мен қауіпсіздігін бақылау комитетінің Ұлттық сараптама орталығының зертханалары, жеке зертханалар, аймақтардағы ЖИТС орталықтарының зертханалары және инфекциялық стационарлардың зертханалары. Сонымен қатар, эпиджағдайға байланысты түрлі өңірлерге жолданған жылжымалы обаға қарсы станциялар да бар.

Статистика

Бүгін, 19 мамыр күні коронавирустық инфекцияның таралу көрсеткіші төмендегідей:

  • Нұр-Сұлтанда 36 адамнан жұқпалы ауру анықталды — өсім 2,9 құрады%,
  • Алматыда коронавирус 24 адамнан табылды — өсім 1,3%,
  • Шымкентте 31 адам індет жұқтырды — 7,6%.

Ең жоғарғы көрсеткіштер Атырау (142 — 22,6%) және Қостанай (19 — 24,1%) облыстарында  тіркелді

  • Түркістан облысында — 18, немесе 8,2%,
  • Ақмола облысында — 8, немесе 6,3%,
  • Қарағанды облысында — 13, немесе 5,2%,
  • Солтүстік Қазақстан облысында — 1, немесе 2,6%,
  • Батыс Қазақстан облысында — 6, немесе 1,9%,
  • Қызылорда облысында — 4, немесе 1,6%,
  • Алматы облысында — 3, немесе 1,4%,
  • Жамбыл облысында — 3, немесе 1,5%,
  • Павлодар облысында — 2, немесе 1,2%,
  • Маңғыстау облысында — 1, немесе 0,6%.

Қауіпсіздік шаралары әлі де өзекті

Коронавирустық инфекцияның негізгі белгілері елдің барлық азаматтары жаттап алды десек те болады.  Бірақ еске салғанымыз артық болмас:

— жоғары дене температурасы,
— бас ауруы,
— әлсіздік,
— жөтел,
— тыныс алудың қиындауы,
— бұлшық ет ауруы,
— жүрек айнуы,
— құсу,
— диарея.

Вице-министр барлық қауіпсіздік шараларын сақтау — қолды жуу, бетперде, қолғап киіп жүру, әлеуметтік қашықтықты сақтау әлі де маңызды екенін еске салды.

Ол

күзде коронавирус індетінің екінші толқыны күтілуде дейді

— Біз сол уақытта қандай эпидемиологиялық жағдай болатынын байқаймыз және тиісінше  карантиннің жаңа шараларын қолданатын боламыз.

Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз