“Қасымда тұр”. Асылып қалған қыз хатында өзін өлімге не итермелегенін жазыпты
Батыс Қазақстан облысының Қазталов ауданындағы Талдапан ауылында 9-сынып оқушысы өз үйінде асылулы күйі табылды.
Бұл туралы “Мой ГОРОД” басылымы хабарлады.
Қайғылы оқиға 5-шілдеде болған. Аудан әкімінің орынбасары Зәйлім Мәжитованың айтуынша, қыздың оқу үлгерімі жақсы болған және 8-шілдеде құрбыларымен бірге Астанаға кетуі керек болған.
“Отбасында алты бала, ол – бесіншісі. Сол күні қыз ауылдағы барлық құрбысына барған, соған қарағанда, қоштасқан болуы керек, жарты сағаттан кейін үйіне оралған, сосын оның мәйітін ата-анасы тауып алған”, – деді шенеунік.
Баланың жанында хат табылды. Онда ол қара адам оны бұрынан иектеп жүргені туралы жазылған.
“Өзім асылып қалмасам, менің жақындарымды алып кетемін дейді. Қазірдің өзінде ол менің жанымда, асықтырып отыр, сондықтан осылай айдақ-сайдақ жаздым. Өліміме ешкімді кінәламауды сұраймын”,
– деп жазылыпты хат мәтінінде.
Басылымның мәліметінше, 16 жастағы қыздың бойынан ешқандай да ауытқушылық байқалмаған.
https://kaz.365info.kz/men-negizi-zhyndymyn-orkendi-oltirgen-ogej-sheshenin-ne-degenin-bilesiz-be-262676
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе