“Қарызымды қайтар..!”. Шымкенттік қанішер бір отбасын қырып салған (видео)
Шымкентте бір отбасын қырып салған күдіктінің ісі сотқа жетті. 50 жастағы әйел мен оның қос ұлын өлтірді делінген азаматқа «кісі өлтіру» және «қарақшылық» баптарымен айып тағылды. Айта кетсек, жантүршігерлік оқиға биыл ақпан айының басында болған еді. Ал, қылмысқа компьютер ойыны себеп болыпты.
Бұл туралы КТК арнасы хабарлайды.
26 жастағы Олег Власкинге оның қолынан өлген 22 жастағы азамат ойыннан ұтылып, 250 мың теңгеге қарыз боп қалыпты. Алайда ол берешегін қайтармайтынын айтқан. Кек сақтаған Власкин қалай да ақшасын алмақ оймен қылмысын алдын-ала жоспарлайды. Жымысқы жоспармен ақпанның 8-і күні танысының үйіне барған кезде, есікті 13 жасар інісі ашқан. Оны қолына түскен ауыр мүсіншемен сұлатып салыпты.
Жеткіншекті өлтірген соң артынша жеткен анасы мен ағасын да жайратқан. Сөйтіп үйдегі тұрған компьютерді, екі қалта телефоны мен 50 мың теңгені алып із суытқан. Екі күннен соң полицейлер оны Тараз қаласынан ұстады.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз