Қарағандыда автобус жүргізушісі қалта ұрысын құрықтады
Қарағандыдағы № 43 бағытта қатынайтын автобустың жүргізушісі мен кондукторы қоғамдық көліктің салонында ұрыны ұстауға көмектесті.
Диана Алдоңғар есімді жолаушы жеке заттарын ұрлатып алғанын хабарлағаннан кейін, олар өз бағытын бұрып, полиция бөлімшесіне барған, – деп хабарлайды Tengrinews.kz.
“Сол күні мен қала орталығынан автобусқа отырдым. Бірнеше аялдамадан соң телефонымды жоғалтып алғанымды білдім. Сөмкемді, қалтамды бірнеше рет қарадым. Жанымда тұрған ер адамға менің нөмеріме қоңырау шалуды сұрадым, алайда сол сәттің өзінде телефоным сөндірулі болды”, – дейді қыз.
“Ешкім сыр білдірмеді, осыдан кейін мен кондуктор Ақниетпен ақылдасып, автобусты кері бұрып полиция бөлімшесіне қарай жүрдім. Жолаушылардың көпшілігі наразы болып, автобустың бекітілген бағытына түсіуімді сұрады. Бірақ бұл мені тоқтатпады, себебі кез келген адамның басынан осындай жағдай болуы мүмкін еді”, – дейді Арман.
Полиция бөлімшесіне кіре бергенімізде, Дианаға бір жас жігіт келіп телефонын қайтарып берді. Ұрыны құқық қорғау органдарының қолына тапсырдық. Жәбірленуші арыз жазды. Ұрының тағдыры қазір шешіліп жатыр.
Арман Жақсыбеков 15 жыл бойын автобус жүргізіп келеді. Осы жылдардың ішінде ол өзін жақсы жағынан көрсете білген. Өткен жылы Арман жары Мақпал екеуі қоғамдық көлік жүргізушілері арасында “Жол жүру бағытындағы ең мықтылар” атағын жеңіп алған.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе