Қарағандыда 19 жылға сотталған полиция қызметкері өзін жындыханаға жіберуді сұраған
Қарағандыда адам өлтіріп, алқа билердің шешімімен 19 жылға сотталған полиция қызметкері апелляциялық арыз түсірді.
Бұл туралы Ктк хабарлады.
Бірінші сотта-ақ 22 жастағы полиция сержанты ақыл есінің кемдігін айтып, өзін жындыханаға жіберуді сұраған болатын.
Үстіміздегі жылдың 1 мамырында полиция сержанты Нұрсейіт Қалдыбаевты арнайы жасақ құрықтап жатыр. Тергеу мәліметінше ол 30 шы сәуірде «55 ші тайота камри» көлігін саудалап жүрген Қарағанды тұрғынымен сатып алушы ретінде кездескен.
Қолға түскенде кінәсін толық мойындағандықтан, сот процесі де жылдам жүрді. Бірақ қорғаушысы оның ақыл есінде ауытқуы бар дегенді алға тартып, экс полицейді психиатриялық ауруханаға жатқызуды сұраған. Өйткені тергеу абақтысында өзін жайсыз сезініп, сандырақтай берепті-мыс.
Алайда, полиция қатарында қысылмай ақ жүрген Қалдыбаевтың ағзасында ақау бар дегенге алқа билері сенген жоқ.
“Қалдыбаевты адам өлтіру, қаруды заңсыз пайдалану және ұрлық бабы бойынша алқа билері оны кінәлі деп тапты. Сот шешімі заңдық күшіне енген жоқ. Сондықтан ол апелляциялық арыз беруге хұқылы”,дейді Гүлбаршын Жітікова Қарағанды облыстық сотының баспасөз хатшысы.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе