Қарағанды да адам өлтірді деген айыппен 19 жасар қыз ұсталды
30 шілде күні Қарағандының Шаxтинск қаласында аса ауыр қылмыс жасалған. 34 жастағы қала тұрғынын өлтірді деген күдікпен 19 жастағы қыз ұсталды.
Қарағанды іргесіндегі Шаxтинск қаласындағы пәтерлердің бірінен 34 жастағы ер адамның өлі денесі табылды. Алдын ала мәліметтер бойынша ол денесіне салынған пышақ жарақатының салдарынан қаза болған. Облыстық Ішкі істер департаментінің мәліметінше, ауыр қылмыс жасау фактісі бойынша Қазақстан Республикасы Қылмыстық Кодексінің 99-бабы, 1-тармағына сай, яғни «Кісі өлтіру» бабы бойынша іс қозғалды.
«2018 жылдың 30 шілдесінде Шаxтинск қаласында пышақ жарақатымен ер адамның мәйіті табылды. Қаланың криминалды полиция қызметкерлерінің жедел іздестіру шараларының нәтижесінде қылмыс жасады деген күдікпен 19 жастағы қала тұрғыны ұсталды. Ол қаза тапқан ер адаммен арадағы болған жанжал барысында оның денесіне пышақ жарақатын салғанын мойындады», – дейді Қарағанды облыстық Ішкі істер департаментінің баспасөз xатшысы Бақытжан Құдияров.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе