Алматыдағы атышулы теракт кезінде әрекетсіздік пен салғырттық танытты деп айыпталған Алмалы аудандық ішкі істер бөлімінің басшылығындағы қызметкерлердің бүгінгі жайы туралы тың ақпарат пайда болды.
Алматы қаласы Алмалы аудандық ішкі істер бөлімінің басшысы Асқар Болатов пен оның қол астындағы екі қызметкері Қайрат Аманжолов пен Сырым Баймеңдиев 2016 жылғы 18-шілдеде болған Алматыдағы терактіге қатысты атышулы қылмыстық істің фигуранттары атанған еді. Осыған қатысты Sputnik Қазақстан агенттігі арнайы сауал жолдап, оған мынандай жауап алды.
„Асқар Болатов, Қайрат Аманжолов пен Сырым Баймеңдиев қызметі кезінде әрекетсіздік пен салғырттық танытты деген айыппен сот алдында болды. Екі отырыстан кейін Алматы қаласы Алмалы аудандық сотының қаулысымен басты сот талқылауын тағайындауға кедергі келтіретін қылмыстық-процестік заңнамаға қатысты кемшіліктерді жою үшін қылмыстық іс прокурорға қайтарылды.
Үш айыпталушыға қатысты бұлтарпау шарасы бұрынғыдай қала береді:
Болатов кепілмен қамаудан босатылған, Аманжолов пен Баймеңдиев ешқайда шықпауға қолхат жазып берген
„ делінеді Алматы сотының баспасөз қызметінің ресми жауабында.
https://kaz.365info.kz/almatyda-y-terakt-olymen-ishin-bas-an-k-likbaev-sotta-ornynan-t-ra-almady-232949
Теракт жасалған кезде Асқар Болатов Алмалы аудандық ішкі істер бөлімін басқарған болатын, бірақ кейінірек қызметтен босатылған еді.