«Қайсар» клубында ойнайтын нигериялық футболшы айына 8 млн теңге алады
Қазақстан футболында жалақысы ең көп талқыланатын легионерлердің бірі пайда болды. Қызылорданың «Қайсар» футбол клубы жаңа маусым алдында құрамын тәжірибелі ойыншымен толықтырды. Еуропаның жетекші чемпионаттарында ойнаған нигериялық жартылай қорғаушы Виктор Мозес енді Қазақстан Премьер-лигасында өнер көрсетеді.
Sports24.kz мәліметінше, Виктор Мозес «Қайсар» сапында айына шамамен 8 миллион теңге жалақы алады. Бұл сома футболшының жылдық табысын 160 мың АҚШ долларына дейін жеткізеді. Мұндай келісімшарт Қазақстан футболы үшін сирек кездесетін қаржылық деңгей саналады.
Одан бөлек, нигериялық хавбек әр жылдары «Ливерпуль», «Вест Хэм Юнайтед», Түркияның «Фенербахче», Италияның «Интер» және Мәскеудің «Спартак» клубтарының намысын қорғады. Соңғы клубы – «Лутон Таун». Ол Чемпионшип аясында 18 матч өткізіп, бір гол соққан.
Жеке мансабында Виктор Мозес 495 ресми ойынға қатысып, 62 голдың авторы атанып, 47 нәтижелі пас берген. Сондай-ақ, Нигерия ұлттық құрамасы сапында 38 матч өткізіп, 12 гол соғып, 5 нәтижелі пасымен ерекшеленді.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе