Қайрат Нұртастың концертінде жоғалған құндыз тонды қайтарған зейнеткер марапатталды
Павлодарлық полицейлер Қайрат Нұртастың концертінде жоғалып кеткен тонды қайтарып берген Қалқаман ауылының тұрғынына сүт тартатын электр машинасын сыйға тартты.
Облыстық ішкі істер департаменті баспасөз қызметінің мәліметінше, бөтен адамның киімін иесіне алып келген зейнеткердің адалдығын тәртіп сақшылары ерекше бағалап, ынталандыруды жөн көрген, деп хабарлайды Рavlodarnews.kz.
8 наурыз күні Павлодардағы Естай атындағы мәдениет сарайында Қайрат Нұртастың «Жұбатуға арналады бұл әнім» атты ән кешінен кейін қала тұрғыны Алмагүл Байделдинова құндыз тонынан айырылып қалған болатын. Ол бірден аттандап, ауысып кеткен ішігін әншіден өндірмек болады. Алайда ол тон ұрланбаған, тек абыр-сабыр кезде ауысып кеткен болып шықты. Кеше тонды киіп кеткен адамның немересі қысқы киімді иесіне қайтарып берді.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе