Қайрат Нұртастың әйелі Испанияда жүр

Жуырда әнші Қайрат Нұртас 15 тәулікке қамалған болатын. Ал оның әйелі Жұлдыз Әбдукәрімова балаларымен бірге Испанияның Барселона қаласында демалып жүр. Оның айтуынша, олар бұл саяхатты жарты жыл бұрын жоспарлаған.

«Испания елі, Барселона провинциясы, Жерорта теңізінің жағалауындамыз. Бұл сапарды өздеріңіз білетіндей жарты жыл бұрын жоспарлағанбыз. Ұлдардың қалауы еді. Сапарға бірнеше ай дайындалдық. Ел-жер аралаудан бөлек, танымдық бағдарламалары мықты. Мәселен біз жексенбі күні келдік. Бұл елде демалыс күнін әр адам өз отбасымен өткізеді екен. Мемлекеттік мекемелерден бөлек, дүкендер, сауда үйлері, базарлар, тамақ ішетін орындар бәрі-бәрі жабық. Ал келген туристтерге бағдарлама өте көп. Біз бір тәулікке bus ticket сатып алдық та, күні бойы қаланы араладық. Яғни сіздің алған билетіңіз қаладағы барлық бағыттағы автобусқа өтімді. Кез-келген аялдамадан түсіп қалып, емін-еркін аралай бересіз», – деп жазды актриса Instagram-дағы парақшасында.

Оның айтуынша, мұнда заң өз азаматтарын әбден қорғайды екен.