“Кешіксең, кетесің!”. Қызылордада 5 мемлекеттік қызметші қызметтен босатылды

Қызылорда облысында мемлекеттік қызметшілерге қойылатын талаптар жылдан жылға күшейтіліп келеді және мұндай жүйелі жұмыс өз жемісін беріп олтыр, деп хабарлайды Мемлекеттік қызмет істері және сыбайлас жемқорлыққа қарсы іс-қимыл агенттігінің Қызылорда облысы бойынша департаментінің баспасз қызметі.

Биылғы алты айдағы теріс себептермен қызметтен босатылғандардың 2-уі сыбайлас жемқорлық құқықбұзушылық жасағаны үшін, 2-уі мемлекеттік қызметке кір келтіретін тәртіптік теріс қылықтары үшін және 1 мемлекеттік қызметші дәлелді себепсіз 3 сағаттан астам уақыт жұмыста болмағандығы үшін қызметтен қуылса, былтырғы жылдың алғашқы алты айында 17 мемлекеттік қызметші теріс себептер бойынша жұмыстан босатылған болатын.

– Қызылорда облысында 2018 жылдың басынан бері теріс себептермен 5 мемлекеттік қызметші атқарып отырған қызметінен босатылған. Бұл өткен жылдың І-ші жартыжылдығымен салыстырғанда 3,5 есеге азайып отыр деді, –  департамент басшысы Абзал Мұхимов.