Өзбекстанға еңбегі сіңген әртіс, танымал сықақшы Обид Aсомов ұзақ уақыт үзілістен кейін, эфирге қайта шығады. Бұл жөнінде Milliy TV ұлттық арнасының Facebook желісіндегі парақшасында хабарланды.
Обид Асомов жүргізетін “Кулиш шарт” (“Күлу шарт”) юморлық шоуы 24 маусымнан бастап эфирге шығады. Бұл Aсомовтың ұзақ уақытқа созылған шығармашылық үзілісінен кейінгі бірінші хабары.
Обид Асомов кезінде ресейлік “Қисық айна” сатиралық сериалына қатысқан. Бірақ осы сериалға түскеннен кейін, оған өзбек телеарналарына жол жабылған.
Сыбысқа сенсек, Кәрімовтың тұсындағы өзбек билігі Асомовты ресейлік телеарналарда өзбекті сауатсыз, күлкілі әрі мәдениетсіз етіп көрсеткені үшін эфирден аластатқан.