Сатушылардың 50%-ы кәмелетке толмағандарға темекі өнімдерін сатқаны үшін сатушы жауапты болуы тиіс деген пікірді ұстанады, 46%-ы олардың жауапкершілік аймағына тек дүкенде тауарды сату кіреді және балалар арасында темекі шегуге қарсы күрес үшін ата-аналар мен мемлекет жауапты деп санайды.
“Сатушының жасөспірімге никотині бар өнімді сату туралы шешімінің артында не тұр, осы сауалнаманың қорытындысы бізге жағдайды толығырақ түсінуге көмектеседі”, – дейді Жібек ӘЖІБАЕВА, ҚСКҚ басқармасының вице-президенті, – “Зерттеудің кейбір көрсеткіштері Adal Nietpen жобасының тиімділігін өлшеу үшін негізгі индикаторларды сипаттайды”.
Сауалнама қорытындысы бойынша:
Жас сатып алушылар оларға тыйым салынған өнімдерді сатып алуға келетіндіктен сатушының жауапкершілігі үлкен рөл ойнайды. Дүкендердегі сатушылар – бұл балалар темекі мен құрамында никотині бар өнімдерге қол жеткізе алатын “көпір”, сондықтан “Adal Nietpen” жобасы бөлшек сауда өкілдеріне сатып алушының жасын бақылаудың маңыздылығын, сондай-ақ олардың кәмелетке толмағандардың болашағына ықтимал әсерін еске салуға бағытталған.
“Кәмелетке толмаған сатып алушылар – бұл тәжірибесіздігіне байланысты өмірлерінде көптеген жылдарға созылатын зиянды әдеттерге ие болатын аңғал жасөспірімдер. Сатушыларды біздің қозғалысқа қосыла отырып, өскелең ұрпаққа жауапкершілікпен қарауға шақырамыз”, – дейді ҚСКҚ атқарушы директоры Ермек РАХМЕТОВ.
Осы жылдың маусым айының басында жүзеге асқан жоба шағын бөлшек сауда өкілдеріне, соның ішінде дүкен иелеріне, кассирлерге және құрамында никотині бар өнімдер мен кәмелетке толмағандар арасында көпір бола алатын барлық адамдарға бағытталған. Жобаның жаңалықтары мен іс-шаралары туралы @adal_nietpen Instagram аккаунтынан білуге болады.
Сауалнаманы маркетингтік зерттеулер мен консалтинг саласында қызмет көрсетуге мамандандырылған Alvin Market компаниясы жүргізді.