Көкшетауда ер адам құрылыс кранының арқанына ілініп қалып, төменге құлап кетті.
Көкшетауда құрылысшы бесінші қабаттан құлап қаза тапты деп хабарлады Ақмола облысы ішкі істер департаментінің баспасөз қызметі.
“Ер адамның Батыс Қазақстан тұрғыны екені анықталды, тұрғын үй құрылысында жұмыс істеген. Сол күні бесінші қабатта монолит құйып жатқан. Биіктікке көтерілген кран арқанына жұмысшы ілініп қалып, төменге құлап кеткен”, — деп баяндады полицияда.
Құқық қорғау органдары ер адамның денесін мәйітханаға жөнелтті, сот-медициналық сараптама тағайындалды.