Көкек әкелер, алиментті қашан төлейсіңдер?

Қазір Қазақстанда жарты миллионға жуық жалғызбасты ана бар. 14 мың әке баласының барын мойындамаса, 20 мыңнан астамы отбасын асыраудан бас тартқан. Қарызы жиналып қалғандар жетерлік. Мемлекеттің мехнизіміне көңілі толмаған коммунистер партиясы аналарға алиментті үкімет төлесін деген. Кейін мемлекет борышкер әкелерден қарызды тартып алады. Мұндай алимент қорын құру туралы ұсынысты үкімет қабылдамапты.

 

Алименттің ақысын билік өз қалтасынан бере алмайды. Сондықтан депутаттар проблемадан шығудың жолы – әкелерді ұялту деп отыр. Ол үшін Астананың бас көшелеріне борышкерлердің фотосын іліп, қылмыстық жауапкершілікке тарту керек дейді.