Әйгілі Карповтан ұтылып қалған үш жасар шахматшы көзіне жас алды (фото, видео)
Ресейде Михаил Осипов есімді үш жастағы шахматшы әлемнің 12 дүркін чемпионы, халықаралық гроссмейстер, КСРО спорт шебері, Анатолий Карповпен шахмат ойнады.
Бұл туралы islam.kz жазады.
Жас талант Михаил Осипов небәрі үш жаста болғанына қарамастан, шахматты өте шебер ойнай алады.
“Оның қорапшасындағы шахмат тастарының сылдырлағанына емес, жүргеніне қызығамын” дейді вундеркинд.
Жүргізуші сағат уақыты бойынша Карповқа 2 минут, ал Михаилға 10 минут береді. Шахмат ойнау кезінде талантты бала шахматтың теориялық қағидаларын да жатқа соғатындығын көрсетеді. Ол аңызға айналған Карповты ұтуға барынша талпынады.
Уақыт бітуге тақаған кезде, Карпов балаға ұтылып бара жатқанын айтып, тең түсуді ұсынады.
Алайда вундеркинд бұл ұсыныстан бас тартады.
Бірақ, ақыры әйгілі шахматшы жеңіске жетті. Жеңілгеніне өкінген Михаилдың көңіл-күйі барша көрерменді тебіренткен.
https://youtu.be/hTSfq9V3rZw
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе