Орталық Италияда 7,1 балл қуатымен жер сілкінісі болды.
Бұл туралы Reuters агенттігі хабарлады.
АҚШ Геологиялық қызметінің мәліметінше, жер дүмпуінің ошағы Перуджа қаласынан оңтүстік-шығысқа қарай 68 шақырым жерде орналасқан.
«РИА Новости» агенттігі хабарлағандай, жер сілкінісі жергілікті уақытпен сағат 07.41-да (9.41 мск) тіркелді. Еуропалық жерортатеңіздік сейсмологиялық орталықтың (EMSC) сайтында зілзаланың ошағы Италия астанасы Римнен солтүстік-шығысқа қарай 125 шақырым жерде 10 шақырым тереңдікте болғаны хабарланды. Оның магнитудасы 6,5 балды құрады.