Бүгін бірқатар әлеуметтік желіде Семейде №18-ші бағыттағы автобустар «ереуіл» жариялап, жұмысқа шықпай қалғаны жөнінде ақпарат тарап жатыр.
Оқиға орнына бірден осы бағытта қызмет көрсететін «Таксомоторлық паркі» кәсіпорны мен қалалық жолаушылар көлігі бөлімінің басшылары жеткен деп хабарлады “Хабар-24” телеарнасы.
Жүргізушілердің бұл әрекеті Би Боранбай көшесіндегі жолдардың сапасыздығына байланысты наразылық болып шыққан.
Алайда автобус иелері «Таксомоторлық паркі» ЖШС-мен келісімшартпен жалданып істейтін болғандықтан, компания басшыларын құлағдар ету керек еді. Мұны заңсыз әрекет деп танып, тапсырыс берушілер қосалқы мердігерлермен келісімшартты үзген. Қазір басқа жеке автобустармен келісімшарт жасалып, қозғалыс қалпына келтірілді.