«Павлодар облысының аумағында тіркелген шаруа қожалықтары «Сыбаға» мемлекеттік бағдарламасы шеңберінде бюджеттен РФ-дан ірі қара мал сатып алуға жалпы сомасы 233 млн теңге субсидия алғандығы анықталды. Субсидия алу өтінімдеріне және ІҚМ сатып алу-сату шарттарына сәйкес 2018-2019 жылдары облыс аграрилері РФ кәсіпорындарынан «Герефорд» тұқымды 1447 бас ІҚМ сатып алып, ҚР-ға әкелді.
Алайда Ресей Федерациясының уәкілетті органдарының мәліметінше, жоғарыда аталған бірқатар ШҚ ІҚМ сатып алмаған. Тінту барысында мөрлер (соның ішінде РФ уәкілетті мемлекеттік мекемелерінің мөрлері), оргтехника, ақшалай қаражат, бухгалтерлік және өзге де құжаттар табылды және тәркіленіп алынды», — делінген хабарламада.
Күдіктілер 96 млн теңге шығынды өтеді, бірақ тергеу жалғасуда.