Нұр-Сұлтан
Қазір
10
Ертең
11
USD
424
0.00
EUR
498
0.00
RUB
5.82
0.00

“Қиналғаннан қасық жұттым”. Полицейлер қамаудағы әріптесіне күн бермей жатыр (видео)

111

Бірақ бұл мойындаудан гөрі мәжбүрлік екенін ол жасырмай отыр.

“Уақытша ұстау изоляторында маған күн бермеді, сондықтан осы қадамға бардым. Мекеме қызметкерлері, соның ішінде Қанат Қадыров маған қысым көрсетіп жатыр. Шынымды айтсам, шаршадым, 3 күн нәр татпадым, аштық жарияладым, жедел жәрдем шақырыңыздар”, – деді ол.

Ол бірнеше күн бұрын қасық жұтып қойып, жедел түрде ауруханаға жеткізіліпті. Оған сонда ота жасалыпты. Бірақ қайта оралғанда оған бұрынғы қысым қайтадан қайталанған. “Қайтадан карцерге отырғызып қойды, тіпті жағдайым да түзелмеді”, – деді Өтеуов.

Судьяның неліктен мұндай мәлімдеме жасағаны жайлы сұрағына ол жақындарының өміріне алаңдап отырғанын айтып, жауап қатты.

“Бірінші кезекте жақындарым мен туыстарымның өміріне алаңдаймын, мені тезірек колонияға жіберсе, қуанар едім. Тағы да айтамын: барлық қылмысты өзім жасадым: басқа сотталушылар кінәлі емес”, – деп мәлімдеді ол.

Осыдан кейін Өтеуов сот залынан шығарылып, бірнеше минут өткенде жедел жәрдем келген.

Еске салайық, әлеуметтік желілерде атыраулық экс-полицей Манарбек Өтеуовтің ашық хаты жарияланып, кеңінен таралған болатын. Нақтырақ айтсақ, Атырау қаласы Ішкі істер басқармасының бұрынғы қызметкері, 23 жастағы Манарбек Өтеуов 2015 жылдың тамызында басшыларының бұйрығымен адам өлтіргенін мойындап, хат жазған. Ол хатында адамдардың нақты аты-жөндерін атап, қалалық полиция қызметкерлерінің бірнеше кәсіпкерлерге “жәрдемдесетінін” айтады.

“Басшыларымның бұйрығымен мен Атырау қаласының тұрғындары мен кәсіпкерлеріне қатысты 100-ге жуық қылмыстық іс жасадым. Ақша төлемегендерді түрмеге отырғыздық, оларды шығару үшін 500 мың теңгеден 7 миллион теңгеге дейін ақша талап еттік. Алматы қалалық ішкі істер басқармасы осылайша ауқымды бизнес-орталыққа айналды”, – деп жазған Өтеуов хатында.

Сонымен қатар, Атырау облысы ІІД баспасөз қызметінің өкілдері Өтеуовтің үстінен 16 қылмыстық эпизод бойынша іс қозғалғанын, оның ішінде адам өлімі мен жалған құжат жасаудың бар екенін хабарлаған еді. Қазіргі уақытта экс-полицей қамауда отыр. Іс сотта қарала бастады.

 

Серіктестер жаңалықтары
Көп қаралған
© «365 Info», 2014–2021 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз