Украина президенті Петр Порошенконың мәлімдеуінше, оның елі Еуропалық одақтың визасыз жүйесіне өту арқылы “Ресей империясынан түпкілікті ажырады”.
Мемлекет басшысы түсіндіргендей, бұл жердегі әңгіме “шекаралардың визасыз шектесуі ғана емес, Украинаның еуропалық елдер құрамындағы тарихи орнына қайта оралуы туралы болып отыр”. Мұны философиялық тұрғыда осылай қабылдау керек, деді Порошенко “1+1” телеарнасына берген сұхбатында.
Жаңа ереже Украинаның биометрикалық төлқұжаты бар азаматтарының бәріне жүреді. Олар Еуропалық одақтың Ирландия мен Ұлыбританиядан басқа елдерінің бәріне жарты жылда бір мәрте 90 күнге дейін жүре алады. Визасыз жүйе 11 маусымнан бастап күшіне енеді.